Една од најголемите придобивки на Договорот од Пржино е формирањето на Специјалното јавно обвинителство. Наводно поддржано од сите четири политички партии. Суштинска цел на постоењето на СЈО е да се врати владеењето на правото и правната држава. Законот да важи за сите подеднакво, вели Дамјан Манчевски, потпретседател на СДСМ.
Една година потоа, опструкциите на работата на СЈО од страна на власта продолжуваат. Опструкциите се предводени од Никола Груевски и неговите пропагандни гласила.
За да се реши кризата во Македонија мора да има правда. Мора СЈО да биде оставено независно да ја врши своата работа. Затоа, бараме:
Уставниот суд ВЕДНАШ да се произнесе за иницијативата околу уставноста на Законот за СЈО.
Срамните и неуставни одлуки за аболиција од страна на Ѓорѓе Иванов ВЕДНАШ и ЦЕЛОСНО да бидат поништени.