Екипи на ЈП „Улици и патишта“ и на Бригадата на противпожарна заштита ги чистеа водите на реката Вардар во централното градско подрачје од наносите на надојдените води од обилните врнежи на дожд.
Град Скопје информира дека екипите на достапните места рачно и со механизација од водата извадиле големо количество пластична амбалажа, суви гранки од дрвја и поголеми стебла. За да стигнат до местата кои ги расчистуваат, работниците користеа и чамци.
– Има делови од коритото на реката Вардар кои не се достапни и екипите на Градот ќе интервенираат кога ќе се создат услови за безбедно работење, се вели во соопштението од Град Скопје.