Најмалку 84 лица загинаа во поплави и одрони на земјиштето кои ја погодија Шри Ланка, соопштија денеска претставници.
Спасувачките екипи продолжуваат да ги извлекуваат телата на настраданите и да дистрибуираат храна на стотици илјади раселени по засолништата откако водата почна да се повлекува.
Ова беа најголеми поплави кои ја погодија земјата во последните 25 години.
Најтешко е погодена областа Кегале, околу 100 километри североисточно од престолнината.
Се стравува дека бројот на жртви би можел да се зголеми, бидејќи 116 луѓе се водат како исчезнати, соопштија властите.