ЈУ Градска библиотека „Браќа Миладиновци“ – Скопје, вечер во Паркот на поезијата, во 19.30 часот, со перформанс ќе го одбележи Денот на Шекспир.
Прославата е во рамки на годишната програма на Библиотеката, а се одржува по повод 400 години од смртта на Вилијам Шекспир и Светскиот ден на книгата.
Насловот на перформансот е „Шекспир денес“ и тој предвидува актерска изведба, според дела на Шекспир, на студентите од катедрата за англиски јазик и книжевност на Филолошкиот факултет „Блаже Конески“ од Скопје, како и музичка изведба на ренесансна музика во интерпретација на ученици од „Музичка млaдина“.