Македонскиот писател Христо Петрески избран за почесен член на Сојузот на независните писатели на Бугарија.
Петрески е професор и директор на Институтот за сценски уметности на Универзитетот ЕСРА во Скопје и автор на повеќе од педесет книги. Добитник е на значајни државни и меѓународни награди и признанија, а неговото книжевно творештво е преведено и публикувано на повеќе странски јазици.
Писателот Петрески веќе подолго време е почесен член и на Здружението на писателите на Србија. Тој, исто така, е основач на издавачката куќа „Феникс“ и Фондацијата за културна и научна афирмација и презентација Македонија презент од Скопје.