Во Градската библиотека „Браќа Миладиновци“ денеска ќе биде промовиран романот „Златко-Златец“ од Велко Неделковски, добитник на наградата „Ванчо Николески“ на Друштвото на писателите на Македонија за најдобра книга за деца и млади за 2015 година.
За новиот роман на Неделковски ќе зборува Весна Мојсова-Чепишевска, а извадоци ќе чита актерот Томе Витанов.
Велко Неделковски е раскажувач, романсиер, драмски писател, поет и сценарист. Напишал и објавил голем број книги за најмладите читатели.