Царинската управа на Република Македонија денеска ќе го одбележи денот на нејзиното основање со презентација на активностите реализирани во изминатата година, придобивките од модернизацијата на граничните премини, а ќе биде промовирано и видео запис за нејзината улога во општеството.
Во рамки на настанот ќе бидат врачени и плакети и признанија за успешната соработка со поединци и институции.
На министерката за информатичко општество и администрација Марта Арсовска Томовска ќе и биде врачена пофалница од Светската царинска организација за посебна соработка на полето на имплементацијата на ИТ системите, континуираната соработка и електронсктоо прибирање, размената и заштитата на податоци поврзани со царинското работење.