Грчкиот премиер Алексис Ципрас изјави денеска дека Меѓународниот монетарен фонд инсистира на имплементирање погрешни политики во Грција.
– Во Грција беа имплементирани погрешни политики и парадоксално е дека тој што признава дека станува збор за погрешни политики, ги прифаќа грешките и инсистира грешките да се применат, рече Ципрас по средбата со премиерот на Португалија, Антониу Кошта.
Атина се уште се бори да се финализира оценката за третиот спасувачки пакет и е во конфликт со ММФ за мерките, со кои треба да се постигнат поставените фискални цели.