Во Собранието на Република Македонија за денеска се закажани седници на комисиите за надзор над работата на Управата за безбедност и контраразузнавање (УБК) и на Агенцијата за разузнавање (АР) и за прашања на изборите и именувањата.
Комисијата за надзор над работата на УБК и на АР треба да расправа за својот Предлог извештај за работа во 2015 година, како и за Годишниот извештај за работа на Агенција за разузнавање, Извештајот за работа на Управата за безбедност и контраразузнавање за 2015 година и Програмата за работа на УБК за годинава.
На деневен ред на Комисијата за прашања на изборите и именувањата се предлог – одлуките за избор на член на Советот на јавните обвинители, за именување претседател и членови на Комисијата за заштита на правото на слободен пристап до информации од јавен карактер и за именување претседател, заменик претседател, член и заменик член на Комисијата за решавање жалби во областа на енергетиката.