Најмалку десет лица загинаа, а десетици други се повредени, кога еден недоизграден надвозник се урна во индискиот град Калкута.
Масивната градба од бетон и челик се урнала врз улицата под надвозникот, на која имало многу возила и луѓе.
Индиските телевизиски станици пренесуваат дека бројот на жртвите може да биде поголем, затоа што надвозникот се градел во дел од Калкута кој е густо населене и минувал меѓу зградите кои речиси се надвиснувале врз него.
Инцидентот се случил во делот од градот познат како Барабазар.
Очевидци изјавиле дека веднаш по уривањето на надвозникот, луѓето од околните пазари и продавници почнале со раце да расчистуваат, за да им помогнат на затрупаните лица.
Индиски градежни експерти изјавиле за локалните медиуми, дека ова не е прв ваков инцидент, што само ги покажува ниските стандарди во градежништвото.
Надвозникот се гради уште од 2009 година и досега на неколкупати беше одложувано неговото завршување.