Шефот на кабинетот на канцеларката Ангела Меркел веднаш по нападите во Брисел ги повика Германците да ја искажат својата солидарност со Белгија.
Како што јави дописникот на МИА од Берлин, најблискиот соработник на канцеларката Петер Алтмајер на твитер објави порака „Терористите никогаш нема да победат“.
Алтмајер, кој е директно одговорен за справување со бегалската криза во Германија, бара солидарност од своите сограѓани нагласувајќи „Нашите европски вредности се многу посилни од омразата, насилството и теророт“.
Предходно и министрите за внатрешни работи Томас де Мазиер и за правда Хајко Маас ги осудија нападите во Брисел и апелираа за солидарност со граѓаните на Белгија.