Со цел да се реши долгогодишниот проблем со поплавите во н.м. Мралино, Општина Илинден во соработка со ЈП Водостопанство „Скопско Поле“ изгради нов одводен канал во должина од 1.100 метри, за зафаќање и одведување на атмосферските води.
Паралелно со ова Општина Илинден во соработка со ЈП Водостопанство „Скопско Поле“ продолжува со редовното чистење на отворените одводни канали, со цел да се запази функционалноста каналската мрежа.
Од почетокот на годинава досега исчистени се 18.500 метри отворени одводни канали.
Општина Илинден и оваа година ја презема обрската на граѓаните за плаќање на воден надомест за одводнување на индивидуални водокорисници, што годишно ја чини повеќе од 4,2 милиони денари.