Корисниците лоцирани на улицата „Гарсија Лорка“ во општина Шуто Оризари утре од 9 до 14 часот ќе бидат без електрична енергија.
Во периодот од 8:30 до 9:30 часот без струја ќе бидат корисниците од делот кај кеј „Димитар Влахов“, кон црквата „Пресвета Богородица“, улицата „Питу Гули“ и црквата „Пресвета Богородица“ во општина Центар.
Без снабдување со струја од 10:30 до 16 часот ќе бидат корисниците од улицата „Исаија Маџовски“ од бр. 8 до бр. 38 во општина Карпош, а од 9:30 до 15 часот корисниците од улицата „Лука Геров“ – подулици 12, 14 и 16 во општина Ѓорче Петров.
Во временскиот период од 9 до 13:30 часот без струја ќе бидат корисниците од улицата „4“ во село Катланово, општина Петровец, а од 9:30 до 15 часот дел од корисниците и објектите на Качанички Пат по обиколницата, селата Блаце, Стенковец и граничниот премин Блаце во општина Чучер – Сандево.
Од 9 до 15 часот без струја ќе бидат дел од корисниците од улицата „Радишанска“, спроти пазарот во населбата Радишани, а од 9 до 14:30 часот корисниците од булеварот „Христијан Тодоровски-Карпош“, Поликлиниката Бит Пазар и Дуќанџик во општина Чаир. Од 7 до 8 часот без струја ќе бидат корисниците од селото Синѓелиќ и од патот за село Арачиново.
Како што информира Регионалниот центар за управување со кризи на Град Скопје, прекините се поради технички зафати во електро системот.