Издавачката куќа „Антолог“ од Скопје ја објави поетската збирка „Изневерено време“ од македонскиот поет Милчо Мисоски. Рецензент на книгата е писателот Тоде Илиевски.
Збирката е трета поетска книга на Мисоски и се состои од 38 песни поместени во два циклуса „Замолкнати зборови“ и „Во центарот на зборот“.
– Поет кој доаѓа со сигурен чекор во простор што се освојува со творештво, со примена на сигурна постапка и со строго утврдени мерила за уметничкиот израз, се вели во рецензијата за оваа книга.
Милчо Мисоски е роден на 26 септември 1972 година во Струга. Бил еден од уредниците на училишниот весник „Јужен бран“ во Охрид. Наградуван е на Радио Охрид за поезија. Неговата поезија е објавувана во повеќе списанија во поранешна Југославија, како „Мостови“, „Одзиви“…Досега има објавено три поетски збирки „Чекајќи го ангелот“ (1991), „Записки“ (2013) и „Изневерено време“ (2016). Живее и твори во Струга.