Во Собранието на Република Македонија денеска седници ќе одржат комисиите за надворешна политика, за политички систем и односи меѓу заедниците и Законодавно-правната комисија.
На дневен ред на Комисијата за надворешна политика се Предлог-закон за ратификација на измените и дополнувањата на Конвенцијата за заедничка транзитна постапка (консолидирана верзија) и Предлог – закон за ратификација на Протоколот 15 за измена на Конвенцијата за заштита на човековите права и основните слободи.
Комисијата за политички систем и односи меѓу заедниците ќе расправаат за три предлози на опозициски пратеници.
На дневен ред се Предлог на закон за изменување и дополнување на Законот за политички партии, поднесен од Лилјана Поповска, Предлог на закон за изменување и дополнување на Законот за унапредување и заштита на правата на припадниците на заедниците кои се помалку од 20% од населението во Република Македонија, поднесен од Енес Ибрахим и Предлог на закон за изменување на Законот за Владата на Република Македонија, поднесен од пратеничката група на СДСМ, сите во прво читање.
Законодавно-правната комисија ќе одржи две седници.