Издавачката куќа „Феникс“ заедно со Фондацијата за културна и научна афирмација и презентација „Македонија презент“ распиша Конкурс за објавување книги на ученици од основните и од средните училишта во Македонија.
Може да учествуваат сите заинтересирани ученици кои сакаат да објават своја книга во новата едиција „Јуниор“ на издавачката куќа „Феникс“. Планирано е да бидат објавени десет книги од ученици во основните и десет книги од ученици во средните училишта.
Рокот за праќање ракописи е до 15 март 2016. Ракописите треба да бидат испратени во еден примерок на адреса: Издавачка куќа „Феникс“, ул. Костурски херои бр.35, 1000 Скопје.
Книгите ќе бидат објавени со средства од авторите (во зависност од обемот на книгите), а потоа и промовирани во Културниот центар „Феникс“ во Скопје. За најдобрите автори на книгите предвидцени се и награди и признанија.
„Феникс“ соопшти дека повод за да го распише овој нов конкурс бил големиот одѕив и пристигнати трудови од ученици на конкурсот за литертурни и ликовни творби на тема „Јас го разбирам светот“ кој заврши деновиве.