На последната седница на Советот на град Скопје, во рамките на дискусијата за Информацијата за мерките за мерките што треба да ги преземе градот Скопје за справување со енормното загадување на воздухот во Скопје, поднесена по барање на совтеничката група на Сојзот за иднината, во својата дискусија помеѓу другото, советникот од ЛДП, Зоран Шапуриќ, нагласи дека неодрживата градба во Скопје доведе до масовно уништување на зелените површини и спречување на струење на воздухот, факт што и самите служби на градот го признаваат.
Поради тоа, додаде тој, неопходно е градот да преземе итни мерки за привремен мораториум на изградба на нови колективни станбени објекти во градот за период од две години.
Според Шапуриќ, потребно е Град Скопје веднаш да поднесе барање до Регулаторната комисија за енергетика за намалување на цената на парното греење за најмалку 30%. Ова е сосема оправдано ако се земе предвид дека цената на природниот гас по која се продава во Македонија во однос на измината грејна сезона е помала за повеќе од 40% и тоа во услови кога имаме значително повисоки темератури.
Овие мерки како и воведување на бесплатен автобуски јавен превоз во зимскиот период, може да влијаат за намлување на загадување на воздухот во Скопје.