Земјотрес со интензитет од 5,1 степени според Рихтеровата скала денеска ја погоди американската сојузна држава Оклахома.
Како што соопшти Американскиот геофизички институт, епицентарот на земјотресот, кој се случил во 11:07 часот по локално време (18:07 часот по средноевропско време), бил на околу 150 километри северозападно од Оклахома Сити.
Десет минути по првиот, бил регистирран уште еден земјотрес со интензитет од 3,9 степени според Рихтер.
Нема инфомации за евентуални жртви и предизвикани материјални штети.
Сеизмичката активност во Оклахома е зачестена во последниве неколку години, што според некои експерти, е последици на зголеменото производство на нафта од шкрилци.