Минатогодишниот победник на Мастерсот во Лондон, Роџер Федерер со победа ги почна натпреварите во Б групата откако попладнево го совлада Јанко Типсаревиќ со 2:0 во сетови.
Првиот сет Федерер го доби со 6:3 во гемови, додека во вториот беше уште поубедлив и со 6:1 го надигра Типсаревиќ. Мечот траеше 1 час и 9 минути.
Во вториот меч од Б групата вечерва ќе играат Давид Ферер и Хуан Мартин дел Потро.