Унгарскиот премиер Виктор Орбан денеска изјави дека западноевропските лидери, кои наклонето гледаат на мигрантското прашање, треба да се обвинат за „многу сериозните терористички ризици“ и секојдневното влошување на безбедносната ситуација на континентот.
– Миграцијата треба да се запре, порача Орбан и повика на создавање „европска одбранбена линија“ на северните граници на Грција, за да се запре приливот на луѓе.
Орбан, кој во Будимпешта се сретна со својата полска колешка Беата Шидло, рече дека „мигрантскиот феномен насилно не упадна во Европа“, но дека мигрантите беа повикани во Западна Европа „неконтролирано и без безбедносни проверки“, пренесоа американските медиуми.
Шидло повика на засилување на јужните граници на европскиот Шенген, наведувајќи дека „мигрантското прашање мора да биде решено надвор од границите на ЕУ“.