Актуелниот првк во кошаркарската НБА лига Голден Стејт го претрпе четвртиот пораз сезонава.
„Воините“ ноќеска на гостувањето во Детроит загубија со 113-95 па сега на половина од сезона имаат „скор“ од 37 победи и 4 порази.
Тоа е само една победа помалку од рекордните достигнувања на Чикаго (1995/1996) и Лос Анџелес Лејкерс (1971/1972), кои во овој период од сезоната имаа скор од 38-3.
Ниту расположените Стеф Кари со 38 и Клеј Томсон, кој постигна 24 поене, не им помогнаа на „Вориорси’’ да го избегнат овој пораз.
Во редовите на победничката екипа петмина кошаркари имаа двоцифрен број на поени, а најмногу по 20 постигнаа Реџи Џексон и Кентавиус Калдвел-Поуп.
На останатите натпревари одиграни ноќеспа беа постигнати овие резултати: Шарлот – Милвоки 92-105, Атланта – Бруклин 114-86, Филаделфија – Портланд 114-89, Вашингтон – Бостон 117-119, Мемфис – Њујорк 103-95, Јута – ЛА Лејкерс 109-82 и ЛА Клиперс – Сакраменто 103-110.