Новиот претседател на Аргентина Маурисио Макри, кој потекнува од богато семејство, својата претседателска плата ќе ја донира на фондација од Буенос Аирес, која обезбедува храна на сиромашни луѓе.
Кантината „Лос Пилетонес“ на фондацијата „Маргарита Бариентос“, која храни 1.800 лица во сиромашен кварт на Буенос Аирес, секој месец ќе ја добива бруто платата во висина од 100.000 пезоси или нето сума од 61.000 пезоси, што е околу 4.165 евра, пишува весникот „Кларин“.
Макри ја донира својата плата на оваа невладина организација уште додека беше градоначалник на Буенос Аирес од 2007 до 2015 година.