Легендарниот германски тенисер Борис Бекер не мисли дека Швајцарецот Роџер Федерер е најдобриот тенисер на сите времиња.
„Јас започнав со дрвен рекет, со кој не можете да го изведете тоа што тенисерите денеска го прават. Би сакал да ги видам Федерер и Надал во такви услови.
– Не верувам дека Федерер би го победил Мекинро на Вимблдон или Борг во најдобрите денови на Ролан Гарос. Тоа не одзема ништо од неговата големина, само велам дека е невозможно за некој да се каже дека е најдобар на сите времиња“, објаснува Бекер.
„Федерер има 17 грен слем титули, најмногу недели поминати на прво место на АТП листата, неговиот најголем квалитет е што опстојува сите овие години. Но да се каже дека е најдобар на сите времиња, такво нешто не постои и мислам дека никој не може да докаже. Федерер е фантастичен сега, но секое време има свои шампиони“, рече Бекер во интервју за американскиот ESPN.