Во Собранието на Република Македонија денеска седници ќе одржат шест комисии.
Комисијата за одбрана и безбедност ќе ги разгледа предлог измените на Законот за внатрешни работи и дополнувањата на Законот за одбрана, двата во второ читање.
Членовите на Комисијата за земјоделство, шумарство и водостопанство ќе расправаат за предлог законските измени на Законот за шуми и на Законот за земјоделско земјиште, двата по скратена постапка.
На дневен ред на Комисијата за здравство се Предлог-законот за слободните здравствени зони и Предлог-законот за медицински сестри и акушерки, двата во прво читање. Вториот Предлог-закон ќе биде разгледан и на Комисијата за европски прашања.
Комисијата за политички систем и односи меѓу заедниците ќе расправа за Предлог дополнувањата на Законот за судска служба и измените на Законот за административни службеници, двата во второ читање.
Законодавно-правната комисија ќе ги разгледа предлог законските решенија што се на дневен ред на петте комисии.