Во планинските реони во северна и централна Шпанија беснеат десетици пожари, во чие гаснење од денеска е вклучен и авион „Канадер“.
Шпанското Министерство за земјоделство, храна и животна средина соопшти дека донело одлука да испрати специјализиран противпожарен авион во реоните на Астурија и Авиља каде беснает пожарите, кои се појавија во услови на невообичаено топлото време за овој период од годината.
Регионалната влада на Кантабрија соопшти дека во овој шпански регион беснеат 25 пожари, додека властите во Астурија информираа дека противпожарните служби до денеска успеале да изгаснат половина од 16-те пожари што гореа во оваа покраина.
Експертите проценуваат дека покрај невообичаено високите температури, причини за пожарите е и изминатата топла есен во која имаше малку врнежи.