Најниска температура во Македонија изутринава од минус шест степени е измерена во Берово, минус пет во Скопје и Дебар, минус четири во Маврово и Штип, минус три во Демир Капија, Битола, Тетово и Струмица, минус два во Крива Паланка, минус еден во Лазарополе и Прилеп, информира Управата за хидрометеоролошки работи (УХМР).
Во Претор, Крушево и Охрид се измерени нула степени, еден во Виница, два во Куманово, Ѓуриште, Пожаране и Тополчани, а седум степени во Дојран и Гевгелија.
Во поголемиот дел од земјава преовладува сончево и студено време. Дува слаб ветер од северен правец. По одделни котлини има појава на слаба магла, а во Демир Капија магла и ниска облачност со намалена видливост.