Божиќниот празник во САД по обичај го збогатуваат најдобрите ѕвезди од светската кошарка. Традиционално за Божиќ во најсилната светска кошаркарска лига НБА се играат атрактивни одбрани натпревари.
Така ќе биде и денеска. Изборот на НБА е три натпревари.
Божиќната програма ќе ја отворат кошаркарите на Мајами и Њу Орлеанс со средбата која ќе сапочне од 18 часот по македонско време.
Од 20 часот и 30 минути ќе следи дуелот на претендентите за највисок пласман сезонава. Во Оклахома Сити кај „Тандерси“’ ќе гостува екипата на Чикаго „Булс“.
Врв на Божиќната, НБА понуда е последниот трет натпревар. Тоа практично ќе биде реприза на минато сезонското финале, меч во кој шампионот Голден Стејт „Вориорс“ го пречекува тимот на Кливленд „Кавалирс“.
Овој натпревар ќе почне од 23 часот.