Во новиот едукативен центар на Зоолошката градина во Скопје в недела од 13:30 до 15:30 ќе се одржи детска приредба „Нашата божикна приказна“. Околу 70 учесници ќе пеат, рецитираат и ќе се забавуваат.
Организатор е Германскиот јазичен центар со поддршка на Австриската амбасада и останатите партнери. Германскиот јазичен центар како едукативен центар за германски јазик за сите јазични нивоа и возрасни групи, традиционално приредува божиќна забава веќе неколку години.
– Оваа година во соработка со едукативниот центар на ЗОО Скопје ќе креираме заедничка божиќна приказна, информира Германскиот јазичен центар.