Книгоиздавателството „Матица македонска“ во соработка со Словенечката амбасада во Македонија денеска во Мултимедијалниот културен центар „Матица ексклузив“ ќе ја промовира книгата „Моите песни се како светлосни бомби“ од словенечкиот поет Томаж Шаламун.
Изборот на песните и препевот од словенечки на македонски јазик го направија Викторија Блажевска и Соња Должан.
Томаж Шаламун (1941-2014) спаѓа во редот на современите словенечки поети. Автор е на богат творечки опус. Неговите дела се преведени на 18 јазици. Добитник е на најзначајните национални награди во Словенија, како и на Златниот венец на Струшките вечери на поезијата.