Еден од најдобрите кошаркари во НБА лигата Коби Брајант најави повлекување од паркетот на крајот од сезоната. Во својата кариера тој настапи само за еден тим Лос Анџелес Лејкерс и освои пет титули во НБА лигата, еднаш беше МВП на првенството, а во два наврати и МВП на финалето.
Во „Ол стар“ тимот беше избран 17 пати.
Брајант (37) во последните две сезони поради повредите одигра само 41 натпревар од 164 на неговиот тим, а тоа беше и пречка да собори уште рекорди.
Во своето емотивно обраќање тој ја соопшти својата одлука за крајот на кариерата.
– Оваа сезона е се што ми остана . Моето срце може да го издржи брзиот пулс, умот може да го издржи притисокот, но моето тело ми вели доста е.