Издавачката куќа Или-Или, вечерва, со почеток во 20 часот, во Центарот за дизајн и иновации – Јавна соба ќе ја промовира книгата „Додека Данте спие“ – прва книга раскази на Силвија Митевска.
Силвија Митевска (Скопје, 1979) ги пишувала расказите за време на престојот во Италија и Израел. Нејзина професионална окупација било акробатското параглајдерство, соопштува Или-Или.
Книгата ќе ја промовираат Владимир Мартиновски и Марта Марковска. На промоцијата ќе бидат прикажани и фотографии од патувањата и дружењата со „Данте’’.