Министерот за внатрешни работи Оливер Спасовски денеска одржа протоколарна средба со американскиот амбасадорот во Македонија Џес Бејли и програм-менаџерите и претставници од Амбасадата Дејвид Стефенсон, Џаред Турман, Ричард Хатлер, Џорџ Кларк и Метју Хенд.
Како што соопшти МВР, Спасовски ја презентирал актуелната политичко-безбедносна состојба во земјава и ги истакнал своите заложби како министер за доследно почитување на законитоста и професионалноста во работата на вработените лица во Министерството.
На средбата Спасовски ја претставил и моменталната ситуација од аспект на бегалската криза, потенцирајќи дека Република Македонија презема се што е во нејзина моќ за да ја осигура безбедноста на своите граѓани и да пружи хуман третман на мигрантите кои транзитираат низ Македонија.