Во зградата на железничката станица во Загреб е поставен првиот книгомат. Toj содржи дваесетина популарни наслови. Загрепчаните и нивните гости ќе можат да избираат помеѓу делата на Маркес, Паоло Коелјо, Ведрана Рудан и други.
Книгоматот го поставила издавачката куќа „VBZ“ и ќе работи 24 часа. Со ова Загреб се придружи на 50 -те градови во светот кои имаат вакви книгомати. Апаратот прима банкноти од 20, 50 и 100 куни.
Се најавува поставување на повеќе вакви книгомати во други градови во Хрватска.