На годишнината од предвремените парламентарни избори, ВМРО-ДПМНЕ, даде отчет за сработеното.
„Овие денови е годишнина и од последниот пораз кој го доживеа Бранко Црвенковски. Граѓаните пред една година, по којзнае кој пат му кажаа дека нему веќе не му е местото во политика и дека нема да дозволат времето на транзицијата, на приватизацијата и проневерите да се врати во Македонија“, рече на прес конференција Александар Николовски.
Го наброја сработеното во здравството, образованието, инфраструктурата, социјалната политика, земјоделството
„Во врска со обвинувањрето на СДСМ за евроатланските интеграции-многу официјални НАТО и ЕУ претставници како и врвни политичари од овие организации во повеќе наврати потенцираа дека Република Македонија ги исполнува сите критериуми за понатамошна интеграција во овие две значајни организации.
– Сите меѓународни преставници потенцираа дека единствена пречка во нашиот евроинтеграциски пат е спорот за името со Грција. Тоа СДСМ очигледно не сака да го прифати од причини познати само за нив. Дополнително оваа година Р.М. успеа да добие правна потврда за својата правилна надворешна политика, потврдена од меѓународниот суд за правдата во Хаг“, рече Николовски.
.