Американски официјални лица соопштија дека Русија со крстаречки ракети и бомби го нападнала градот Рака во Сирија, седиштето на Исламска држава.
Рускиот министер за одбрана Сергеј Шојгу изјави дека руската војска разработила нов план на воздушни операции против терористичката организација “Исламска држава“ во Сирија, кој подразбира напади од територијата на Русија од авиони со широк домет.
Шојгу прецизираше дека руската авијација извршила масовен воздушен напад по позициите на терористите во Сирија, и дека се уништени 140 објекти.
Според неговите зборови, руската авијација почнала да ги користи стратешките бомбардери Ту-160, Ту-95МС и ТУ-22.
Паралелено со воздушните напади на руската авијација, сириската војска успела да ослободи 40 населени места, а копнените напади продолжуваат во близина на градот Палмира.