„Претседателот на СДСМ Зоран Заев, во рамки на работната посета на Словенија оствари средба со претседателот на Република Словенија, Борут Пахор.
На средбата се разговараше за актуелните случувања во регионот и во Македонија.
Претседателот Заев го запозна словенечкиот претседател Пахор за длабоката политичка криза во Македонија, напорите што ги прави СДСМ за нејзино решавање и овозможување неопходни услови за оддржување фер и демократски избори.
Претседателот Борут Пахор ја истакна целосната поддршка што ја дава Словенија на Македонија за полноправно членство на земјава во ЕУ и НАТО.
Постои согласност дека Република Македонија и Република Словенија се пријтелски земји и дека е потребно продлабочување на меѓусебната соработа.
Претседателот на СДСМ, Зоран Заев и претседателот на Република Словенија, Борут Пахор, разменија мислења за бегалската криза со којашто се соочуваат Македонија, регионот и Европа. Заклучено е дека е неопходна блиска соработка на безбедносните служби на земјите членки на ЕУ и на земјите на ЈИЕ коишто се први на удар од бегалската криза, како и солидарност помеѓу сите европски држави за прифаќање и адекватен третман согласно меѓународните стандради.
На средбата двајцата соговорници посветија значително внинамание на случувањата во Франција и изразија сочувство до жителите на Париз и до граѓаните на Франција како и солидарност со францускиот народ и целата демократска јавност, во борбата против заканите од тероризам“, се вели во соопштението на СДСМ.