„Дали денеска кога цела Македонија сочувствува со болката на семејствата на загинатите и со сите граѓани на Франција, кога граѓаните од слободарските земји испраќаат пораки на сочувство и солидарснот, само „Република“ и „Курир“ да шират паника и невистина?
Дали е можно денеска „Република“ и „Курир“ да ги злоупотребуваат во политички цели тешките моменти по теористичкиот напад во Франција што одземаа стотина жртви и ранети, од досега достапните информации.
Дали медиумите „Курир“ и „Република“ немаат никакви етички или човечки норми и не може да се издигнат над нивниот партиски интерес?
Медиумските курири покажаа дека се бездушни и немаат морал.
Социјалдемократскиот сојуз на Македонија најостро ги осудува пишувањата на „Република“ и „Курир“ со коишто шират паника и невистини во јавноста.
Срамота. Па каде ви е човечноста?
Терористичкиот напад во Франција е напад на универзалните вредности за слобода, еднаквост и солидарност.
Злоупотребата на тагата и болката на цела Франција и граѓаните од слободарските земји покажа колку ниско паднаа одредени медиуми во Македонија“, се вели во соопштението на СДСМ.