Рускиот претседател Владимир Путин изјави дека Русија е подготвена да соработува со Либан во борбата со тероризмот, вклучително и во борбата со групата Исламска држава, пренесе ТАСС.
Путин ова го изјави еден ден откако во Бејрут беше извршен атентат, за кој одговорноста ја презеде ИД.
Во атентатот, според последни податоци, загинаа 43 лица и 239 се повредени, од кои некои се наоѓаат во критична состојба, посочува либанскиот Црвен крст.
Во телеграмата со изрази на длабоко жалење до претседателот на либанскиот Парламент, Набих Бери, рускиот претседател изразува надеж дека нарачателите на атентатот ќе бидат казнети .
Либанскиот премиер Тамам Салам за денеска свика итна седница на Владата и на врвот на армијата, пренесоа британските медиуми.