Во Мултимедијалниот центар „Матица ексклузив“ денеска во 13 часот ќе биде промовиран романот „Здивот на тишината“ од Јован Дамјановски, автор на богат прозен опус, кој живее и работи во Тетово.
Дамјановски досега ги објавил романите: „Америка е само во Америка“, „Нежната прашина на заборавот“, „Викенд во младоста“, „Танцот на ветровите“, „Самоубиство на глувците“, „Диви магнолии“, „Жолта минута“, „Сенките на сонот“, „Време за времето“, „Вештачки сон“ и „Мирисот на лагата“. Добитник е на наградата на Град Тетово.
За неговото најново дело „Здивот на тишината“ ќе зборува писателот Раде Силјан.