„Извештајот на Европската Унија го потврди тврдењето на Ставрески, „Немаме за леб, а трошиме на чоколадо“.
Клучната забелешка во Извештајот на Европската Унија во делот на економија е дека Владата троши повеќе пари од тоа што граѓаните и државата можат да издржиат.
Според Европската комисија растот на вкупниот јавен долг е загрижувачки.
Има скриени задолжувања од страна на Владата што се “голема опасност“.
Европската комисија го потврдува тоа на што постојано предупредуваме.Владата не го прикажува вистинскиот буџетски дефицит. Буџетскиот дефицит секогаш е поголем.
Во меѓувеме граѓаните гледаат, апетитите на Груевскине запираат.
Преплашени од пролетното чистење во април, Груевски и Ставрески ги задолжуваат граѓаните каде ќе стигнат. Со нов кредит од 21 милиони евра од ЕБОР, со околу 90 милиони евра кредит кај Ерсте и Дојче банка, со нова обврзница од 500 милиони евра.
До крајот на годината долговите на граѓаните што им ги прави Груевски ќе надминат 5 милијарди евра.
Поради промашените економски политики на Груевски:
Точно 626.312 граѓани ја напуштиле Македонија во потрага по достоинствен живот.
Над 180.000 граѓани преживуваат со по 40 денари на ден!
Над 10.000 фирми се затворени, а секоја трета е со блокирана сметка“, се вели во соопштението на СДСМ.