Не е тајна дека спортистите заработуваат многу пари и дека сакаат да ги трошат на сите видови на хедонизми, но овие 20 лица се издвоија од останатите. Покрај тоа што неверојатно се добри, успешни и познати спортисти, тие доминираат со своите банкарски сметки. Некои својата заработка ја добиваат само од спортот, додека некои својот изглед и популарноста ги користат во рекламни цели.
20. Пејтон Менинг – 243 милиони долари: Иако Менинг не е во форма во која беше пред неколку години, тоа не го спречи да се збогати и да заработи вистинско богатство. Тој е големата ѕвезда на NFL, но покрај тоа, рекламите и други договори му донесоа огромна заработка со која може да се пофали.
19. Луис Хамилтон – 246 милиони долари: Луис Хамилтон е често нарекуван и наследник на Мајкл Шумахер. Овој неверојатно успешен возач доминираше на патеките на Формула 1 и се уште ја покажува својата доминација. Хамилтон успеа неверојатно да се збогати, а покрај својот тркачки болид, многу му помогнаа и рекламите.
18. Марија Шарапова – 250 милиони долари: Во оваа сезона Марија можеби не може да се пофали, бидејќи во постигнувањето на успеси ја спречија повредите, но тоа не го негира фактот дека таа е една од најдобрите тенисерки и дефинитивно една од најбогатите. Секако, тенисерската убавица е претставник на многу брендови, што само го зголемува нејзиното богатство.
17. Рафаел Надал – 253 милиони долари: И Рафаел се најде на оваа листа. Еден од најдобрите тенисери на сите времиња заслужено се наоѓа на оваа позиција бидејќи поради своите многубројни титули успеа да заработи 253 милиони долари.
16. Кими Раиконен – 261 милон долари: Во текот на својата кариера во Формула 1, Кими често беше нарекуван „ладен човек‟ поради својот фокус и прибраност во текот на трките. Ова му овозможи да стане еден од најплатените тркачи. Бидејќи тесно е поврзан со тимот на Ферари, тој се уште придонесува за овој тим и за тоа добива неверојатни пари.
15. Дерек Џитер – 271 милион долари: Овој пензиониран бејзбол играч можеби не е познат на овие простори, но дефинитивно е херој во Америка. Пензиониран е во 2014 година, а во изминатите 10 години успеа да заработи над 270 милиони долари.
14. Валентино Роси – 275 милиони долари: Кој е најдобриот возач на мотори? Па секако „Докторот‟. Валентино Роси е Moto GP легенда кој ќе остане запамтен до крајот на човештвото. Тој успеа да ги надмине сите мото рекорди кои можат да се надминат, а исто така го надмина и паричниот рекорд, што го прави еден од најбогатите моторџии.
13. Дејл Еархарт – 277 милиони долари: Ако сте љубител на NASCAR трките, тогаш сигурно сте слушнале за овој човек. Иако во светот на трките дојде како наследник на својот татко, тој не постигна толкав успех, но успеа да се најде на листата на најбогатите спортисти. И тоа е нешто.
12. Фернандо Алонсо – 289 милиони долари: Уште една тркачка легенда се наоѓа на оваа листа. Алонсо е дефинитивно синоним за Формула 1, а својот успех го докажа со многубројните победи и рекламни договори кои му донесоа огромно богатство.
11. Алекс Родригез – 291 милон долари: Родригез е уште еден бејзбол играч кој не е толку познат на нашата популација. Сепак, тој во текот на својата кариера, а посебно во последните 10 години успеа да заработи богатство кое е околу 300 милиони долари.
10. Лионел Меси – 350 милиони долари: Иако Меси оваа сезона ја заврши со лоша повреда на коленото и нема да може многу да придонесе на својот тим во 2016 година, тој сепак е еден од најплатените фудбалери на светот.
9. Кристијано Роналдо – 407 милиони долари: Можеби не е подобар од Меси, но дефинитивно е побогат. Роналдо е фудбалер кој доминира со медиумите и рекламите, што покрај огромниот фудбалски успех му донесе и огромно богатство.
8. Мани Пакјао – 443 милиони долари: По загубата во борбата на векот против Мејведер, Пакијато не го изгуби својот дух и боречката желба. Тој и понатаму продолжува да се бори како што знае и не се сомневаме дека во следната борба со Мејведер ќе однесе победа.
7. Дејвид Бекам – 441 милион долари: Британската икона и легенда, Дејвид Бекам е познат по своето огромно богатство кое не го заработил од фудбалот туку од реклами. Да, тој своето богатство го должи на брендовите кои гордо ги рекламира.
6. Рожер Федерер – 455 милиони долари: Иако сега не постигнува толкави успеси како порано, Федерер се уште се „опишува‟ како тенисер кој направи најголемо богатство во последните 10 години.
5. Фил Микелсон – 468 милиони долари: Фил Микелсон е голфер за кој малку се зборува, иако е еден од најбогатите спортисти. Тој е толку актуелен во медиумите како другите голфери, па релативно е „чист‟ за сите предрасуди и осуди.
4. Леброн Џејмс – 472 милиона долари: Кога си еден од најдобрите и најпознати играчи на сите времиња, мора да бидеш вистински баксуз да не заработиш огромна количина на пари. Леброн Џејмс секако не е тоа, па се наоѓа на 4 место на оваа листа со заработени 472 милиона долари.
3. Коби Брајант – 475 милиони долари: Како и Леброн Џејмс и Коби е играч од слична класа и калибар, кој ќе остане запамтен во спортските мемоари за сите времиња. Најпопуларниот играч на Лејкерси ќе продолжи да доминира на теренот.
2. Флојд Мајведер – 660 милиони долари: По победата на векот над Пакјао, Мејведер само го зголеми своето огромно богатство кое сега изнесува неверојатни 660 милиони долари. Познат е по своето расфрлување на парите, кое јавно го покажува преку социјалните мрежи.
1. Тајгер Вудс – 845 милиони долари: Тајгер Вудс е дефинитивно победник и ја однесе титулата за најбогат спортист. Иако се смета за најдобар голфер на генерацијата, скандалите кои го следеа во медиумите ја нарушија неговата кариера која моментално не е за пофалба.