Екипата на Чикаго ја постигна четвртата победа во новата сезона од НБА лигата откако ноќеска славеше над Оклахома Сити на домашен терен со 104:98.
Решавачка предност „биковите“ ја направија во вториот период, кој го добија со десет разлика (32:22) во изедначениот дуел. Дерик Роуз со 29 поени и Џими Батлер со 26 беа најефикасни кај Чикаго, а „дабл-дабл“ учинок имаше Пау Гасол 11 поени и 10 скокови.
Во редовите на Оклахома Сити Кевин Дјурант постигна 33 поени, а Расел Вестбрук 20.
Резултати на ноќеска одиграните натпревари: Чикаго – Оклахома Сити 104:98, Минесота – Мајами 84:96, Далас – Шарлот 94:108, Денвер – Јута 84:96 и Портланд – Мемфис 115:96.
Вечерва на програмата се десет натпревари.