Во Египет денеска се одржува втор круг од парламентарните избори за повеќе од 200 пратеничкиместа за кои немаше победник во првиот круг. Се очекува кандидатите лојални на претседателот Абдел Фатах ал Сиси да добијат доверба од избирачите.
Само една четвртина од гласачите учествуваат минатата недела во првиот круг од изборот за пратеници во парламентот, прв по околу три години. Во новиот парламент ќе има 568 пратеници – 448 избрани со мнозинство и 120 пропорционално.
Освен тоа, претседателот Ал Сиси ќе може да назначи до 28 пратеници.
Во вториот круг ќе се знае „судбината“ на 222 од вкупно 226 пратенички места. Никој од кандидатите не доби поддршка од над 50 отсто од гласовите во својот реон.
Тројца од четворицата кандидати кои добија мандат уште во првиот круг се поранешни членови на владејачката Национална демократска партија на поранешниот претседател Хосни Мубарак, која беше распуштена во 2011 година.