Амбасадата на Руската Федерација во Македонија и Универзитетот „Св.Кирил и Методиј“-Скопје денеска во Конгресниот центар на УКИМ во Охрид ќе ја промовираат „Православна ециклопедија”, а по повод овој настан утре во црквата „Св.Софија“ ќе се одржи и концерт на хорот на Подворје на Руската православна црква од Софија.
На настаните ќе присуствува и Михаил Ефимович Швидкој, специјален претставник на Претседателот на Руската Федерација за меѓународна културна соработка.
На презентацијата на енциклопедијата најавени се и обраќања на рускиот амбасадор во Македонија Олег Шчербак, архиепископот охридски и македонски г.г.Стефан, ректорот на Скопскиот универзитет Велимир Стојковски и заменик-министерот за култура Драган Недељковиќ.