Повеќе од 30 илјади ирачки војници ќе учествуваат во решавачката етапа од операцијата за ослободување на Рамади, административниот центар на ирачката провинција Анбар, од терористичката група Исламска држава (ИД), изјави денеска раководителот на администрацијата на провинцијата Сабах Кирхут.
Според него, „подготовката на операцијата за ослободување на Рамади е целосно завршена и наскоро ќе почне“.
– Во офанзивата ќе учествуваат над 25.000 војници од ирачката армија и околу пет илјади доброволци, истакна Кирхут.
Владините сили ќе бидат поддржани од воздух од ирачкото Воено воздухопловстви и од авиони на меѓународната коалиција, предводена од САД.