Египетскиот претседател Абдел Фатах ал Сиси потпиша декрет за ослободување на стотина затвореници, вклучително новинарот на катарската сателитска ТВ „Ал Џезира“ Мохамед Фахми.
Амнестијата е прогласена по повод најголемиот исламски празник Курбан-бајрам, наведува ТАСС.
Кон крајот на август годинава, на повторен судски процес, група новинари од „Ал Џезира“, што египетскиот суд ги прогласи виновни за помагање на исламисти, казнена е со три години затвор.
Меѓу нив и Фахми, кој има канадско државјанство, продуцентот Бахер Мухамед и Австралијанецот Питер Гресте. Тие се обвинети за ширење на лажни информации и фалсификување документи при известување за настани по соборувањето на исламскиот претседател Мохамед Морси во летото 2013 година.
Според ТАСС на слобода ќе биде пуштен и поетот и романтичар Омар Хазек, уапсен во декември годинава поради кршење на законот за демонстрации, а повеќето амнестирани се обвинети за истото дело и учество во недозволени протести.
Ослободена ќе биде и активистката за заштита на човековите права Сана Сејф, уапсена летото и осудена на две години затвор. На списокот амнестирани се 16 жени, а според декретот сите треба да бидат пуштени на слобода веќе денеска.