Издавачот „Везилка 2011“ ја објави најновата книга на познатиот словенечки филозоф и еден од најпопуларните современи мислители Славој Жижек „Исламот, атеизмот и модерноста”, која е прва објава од овој автор на македонски јазик.
Книгата, со поднаслов „Некои бласфемични рефлексии”, содржи пет есеи посветени на случувањата во светот во оваа година, по нападот врз француското сатирично списание ,,Шарли Ебдо”.
Насловите на есеите говорат за преокупациите на Жижек: Исламот како начин на живот; Од глобализацијата до универзализмот; Поглед во архивите на исламот; Кон материјалистичкиот поим на Бога и Боженскиот нагон на смртта.