„ДОМ бара јавна расправа за новата изборна регулатива и ги потсетува партиите што преговараат на оваа тема дека не треба да се однесуваат како изолиран остров, па во тајност да договараат за прашања од јавен интерес.
Граѓаните бараат една изборна единица и повеќе од 4 партиски листи, бараат отворени листи на кои самите ќе изберат кому ќе му ја дадат довербата! Како партија со години ја водиме оваа кампања, но дури годинава се прифати од граѓаните и од многу наши колеги во политиката.
Граѓанската свест се издигна над шемите на црно-белиот свет и се сфати дека токму во поделениот политички свет е генераторот на политичките кризи. Граѓаните треба да добијат можност за поголем избор, спрема своите специфични погледи, сфаќања и потреби. Одговор е едната изборна единица со отворени листи“, се вели во соопштението на ДОМ.