Грчката партија ПАСОК денеска објави кусо соопштение во кое ја отфрли можноста за соработка со Сириза која победи на вчерашните парламентарни избори во Грција.
„Категорично ги негираме гласините дека Ципрас упатил предлог за соработка до ПАСОК“, соопшти прес-службата на партијата.
Во соопштението се вели дека гласините биле поткрепени со изјавите дадени од страна на лидерот на Независни Грци Панос Каменос, по денешната средба со Ципрас, кои, според ПАСОК „не се достојни за коментар“.