Словенечкиот премиер Миро Церар побара брз одговор од целата ЕУ на бегалската криза во телефонски разговор денеска со германската канцеларка Ангела Меркел, соопшти словенечката влада.
Според Церар Словенија ја контролира ситуацијата со мигрантите, кои пристигнуваат во земјата од Хрватска, но нагласи дека ЕУ треба да најде ефикасно решение. Тој побарал да бидат изработени основни насоки на средбите на ЕУ во следните денови.
Словенечките власти, претходно соопштија дека околу 2.500 бегалци пристигнале во Словенија од Хрватска за време на викендот.